Abu Dawood: Hadith 1270

ابوایوب (رض) کہتے ہیں کہ نبی اکرم ﷺ نے فرمایا : ظہر کے پہلے کی چار رکعتیں، جن کے درمیان سلام نہیں ہے، ایسی ہیں کہ ان کے واسطے آسمان کے دروازے کھول دیئے جاتے ہیں ۔ ابوداؤد کہتے ہیں : مجھے یحییٰ بن سعید قطان کی یہ بات پہنچی ہے کہ آپ نے کہا : اگر میں عبیدہ سے کچھ روایت کرتا تو ان سے یہی حدیث روایت کرتا۔ ابوداؤد کہتے ہیں : لیکن عبیدہ ضعیف ہیں، اور ابن منجاب کا نام سہم ہے۔ تخریج دارالدعوہ : سنن ابن ماجہ/إقامة الصلاة ١٠٥ (١١٥٧) ، سنن الترمذی/ الشمائل (٢٩٣، ٢٤٩٤) ، (تحفة الأشراف : ٣٤٨٥) ، وقد أخرجہ : مسند احمد (٥/٤١٦، ٤١٧، ٤٢٠) (ضعیف) (اس کے راوی عبیدہ بن متعب ضعیف ہیں، ملاحظہ ہو : تراجع الألباني 125 ).