Abu Dawood: Hadith 1966

والدہ سلیمان بن عمرو بن احوص (رض) کہتی ہیں کہ میں نے رسول اللہ ﷺ کو سوار ہو کر بطن وادی سے جمرہ پر رمی کرتے دیکھا، آپ ﷺ ہر کنکری پر تکبیر کہتے تھے، ایک شخص آپ کے پیچھے تھا، وہ آپ پر آڑ کر رہا تھا، میں نے پوچھا : یہ کون ہے ؟ تو لوگوں نے کہا : فضل بن عباس (رض) ہیں، اور لوگوں کی بھیڑ ہوگئی، تو آپ ﷺ نے فرمایا : لوگو ! تم میں سے کوئی کسی کو قتل نہ کرے (یعنی بھیڑ کی وجہ سے ایک دوسرے کو کچل نہ ڈالے) اور جب تم رمی کرو تو ایسی چھوٹی کنکریوں سے مارو جنہیں تم دونوں انگلیوں کے بیچ رکھ سکو ۔ تخریج دارالدعوہ : سنن ابن ماجہ/المناسک ٦٣ (٣٠٢٨) ، ( تحفة الأشراف : ١٨٣٠٦) ، وقد أخرجہ : مسند احمد (٣/٥٠٣، ٥/٢٧٠، ٣٧٩، ٦/٣٧٩) (حسن )