Abu Dawood: Hadith 2210

ابوتمیمہ ہجیمی سے روایت ہے کہ ایک شخص نے اپنی بیوی کو اے چھوٹی بہن ! کہہ کر پکارا تو رسول اللہ ﷺ نے فرمایا : کیا یہ تیری بہن ہے ؟ آپ ﷺ نے اسے ناپسند فرمایا اور اس سے منع کیا ١ ؎۔ تخریج دارالدعوہ : تفرد بہ أبو داود، (تحفة الأشراف : ١٥٥٩٩، ١٨٨٤٦) (اس کے راوی ابوتمیمة تابعی ہیں اس لئے مرسل ہے) (ضعیف ) وضاحت : ١ ؎ : اگرچہ اس کے کہنے سے وہ اس کی بہن نہیں ہوجائے گی مگر نامناسب بات زبان سے نکالنی مناسب نہیں، گو وہ اس کی دینی بہن ہو یا رشتہ میں بھی بہن کے مرتبہ کی ہو جیسے چچا یا پھوپھی یا خالہ کی بیٹی۔