Abu Dawood: Hadith 2712

عبداللہ بن عمرو (رض) کہتے ہیں کہ رسول اللہ ﷺ کو جب مال غنیمت حاصل ہوتا تو آپ بلال (رض) کو حکم دیتے کہ وہ لوگوں میں اعلان کردیں کہ لوگ اپنا مال غنیمت لے کر آئیں، پھر آپ ﷺ اس میں سے خمس (پانچواں حصہ) نکال کر باقی مجاہدین میں تقسیم کردیتے، ایک شخص اس تقسیم کے بعد بال کی ایک لگام لے کر رسول اللہ ﷺ کے پاس آیا اور اس نے کہا : اللہ کے رسول ! یہ بھی اسی مال غنیمت میں سے ہے جو ہمیں ملا تھا، آپ ﷺ نے فرمایا : کیا تم نے بلال (رض) کو تین مرتبہ آواز لگاتے سنا ہے ؟ اس نے کہا : ہاں، آپ ﷺ نے فرمایا : پھر اسے لانے سے تمہیں کس چیز نے روکے رکھا ؟ تو اس نے آپ سے کچھ عذر بیان کیا، آپ ﷺ نے فرمایا : جاؤ لے جاؤ، قیامت کے دن لے کر آنا، میں تم سے اسے ہرگز قبول نہیں کروں گا ۔ تخریج دارالدعوہ : تفرد بہ أبوداود، (تحفة الأشراف : ٨٨٣٨) ، وقد أخرجہ : مسند احمد (٢/٢١٣) (حسن )