Abu Dawood: Hadith 3132

عبداللہ بن جعفر (رض) کہتے ہیں کہ رسول اللہ ﷺ نے فرمایا : جعفر کے گھر والوں کے لیے کھانا تیار کرو کیونکہ ان پر ایک ایسا امر (حادثہ و سانحہ) پیش آگیا ہے جس نے انہیں اس کا موقع نہیں دیا ہے ١ ؎۔ تخریج دارالدعوہ : سنن الترمذی/الجنائز ٢١ (٩٩٨) ، سنن ابن ماجہ/الجنائز ٥٩ (١٦١٠) ، (تحفة الأشراف : ٥٢١٧) ، وقد أخرجہ : مسند احمد (١/٢٠٥) (حسن ) وضاحت : ١ ؎ : اس سے معلوم ہوا کہ رشتہ داروں کو میت کے گھروالوں کے پاس کھانا پکوا کر بھجوانا چاہیے۔