Abu Dawood: Hadith 3654

عروہ کہتے ہیں ابوہریرہ (رض) ام المؤمنین عائشہ (رض) کے حجرے کے بغل میں بیٹھے تھے اور وہ نماز پڑھ رہی تھیں تو وہ کہنے لگے : سن اے حجرے والی ! دو بار یہ جملہ کہا، جب ام المؤمنین عائشہ (رض) نماز سے فارغ ہوئیں تو کہنے لگیں : کیا تمہیں اس پر اور اس کی حدیث پر تعجب نہیں کہ وہ کیسے جلدی جلدی بیان کر رہا ہے، رسول اللہ ﷺ جب کلام کرتے تو اگر شمار کرنے والا اسے شمار کرنا چاہتا تو شمار کرلیتا (یعنی آپ ﷺ صاف صاف اور بالکل واضح انداز میں بات کرتے تھے) ۔ تخریج دارالدعوہ : صحیح البخاری/المناقب ٢٣ (٣٥٦٧) ، (تحفة الأشراف : ١٦٤٤٥) ، وقد أخرجہ : صحیح مسلم/الزہد ٧١ (٢٤٩٣) (صحیح )