Abu Dawood: Hadith 396

عبداللہ بن عمرو (رض) سے روایت ہے کہ نبی اکرم ﷺ نے فرمایا : ظہر کا وقت اس وقت تک ہے جب تک کہ عصر کا وقت نہ آجائے، عصر کا وقت اس وقت تک ہے جب تک کہ سورج زرد نہ ہوجائے، مغرب کا وقت اس وقت تک ہے جب تک کہ شفق کی سرخی ختم نہ ہوجائے، عشاء کا وقت آدھی رات تک ہے، اور فجر کا وقت اس وقت تک ہے جب تک کہ سورج نہ نکل آئے ۔ تخریج دارالدعوہ : صحیح مسلم/المساجد ٣١ (٦١٢) ، سنن النسائی/المواقیت ١٤ (٥٢٣) ، (تحفة الأشراف : ٨٩٤٦) ، وقد أخرجہ : مسند احمد (٢/٢١٠، ٢١٣، ٢٢٣) (صحیح )