Abu Dawood: Hadith 427

عمارہ بن رویبہ کہتے ہیں کہ اہل بصرہ میں سے ایک آدمی نے ان سے پوچھا اور کہا : آپ مجھے ایسی بات بتائیے جو آپ نے رسول اللہ ﷺ سے سنی ہو، انہوں نے کہا : میں نے رسول اللہ ﷺ کو فرماتے سنا ہے : وہ آدمی جہنم میں داخل نہ ہوگا جس نے سورج نکلنے سے پہلے اور سورج ڈوبنے سے پہلے نماز پڑھی ، اس شخص نے کہا : کیا آپ نے یہ بات رسول اللہ ﷺ سے سنی ہے ؟ یہ جملہ اس نے تین بار کہا، انہوں نے کہا : ہاں، ہر بار وہ یہی کہتے تھے : میرے دونوں کانوں نے اسے سنا ہے اور میرے دل نے اسے یاد رکھا ہے، پھر اس شخص نے کہا : میں نے بھی رسول اللہ ﷺ کو اسے فرماتے سنا ہے۔ تخریج دارالدعوہ : صحیح مسلم/المساجد ٣٧ (٦٣٤) ، سنن النسائی/الصلاة ١٣ (٤٧٢) ، ٢١ (٤٨٨) ، (تحفة الأشراف : ١٠٣٧٨) ، وقد أخرجہ : مسند احمد (٤/١٣٦، ٢٦١) (صحیح )