Abu Dawood: Hadith 4348

عبداللہ بن عمر (رض) کہتے ہیں کہ رسول اللہ ﷺ نے اپنی آخری عمر میں ایک رات ہمیں عشاء پڑھائی، پھر جب سلام پھیرا تو کھڑے ہوئے اور فرمایا : تمہیں پتا ہے، آج کی رات کے سو سال بعد اس وقت جتنے آدمی اس روئے زمین پر ہیں ان میں سے کوئی بھی (زندہ) باقی نہیں رہے گا ابن عمر (رض) کہتے ہیں : لوگ رسول اللہ ﷺ کی سو سال کے بعد کے متعلق احادیث بیان کرنے میں غلط فہمی کا شکار ہوگئے کہ سو برس بعد قیامت آجائے گی، حالانکہ رسول اللہ ﷺ نے یہ فرمایا تھا کہ آج روئے زمین پر جتنے لوگ زندہ ہیں سو سال کے بعد ان میں سے کوئی زندہ نہ رہے گا مطلب یہ تھا کہ یہ نسل ختم ہوجائے گی، اور دوسری نسل آجائے گی۔ تخریج دارالدعوہ : صحیح مسلم/فضائل الصحابة ٥٣ (٢٥٣٧) ، سنن الترمذی/الفتن ٦٤ (٢٢٥١) ، (تحفة الأشراف : ٦٩٣٤) ، وقد أخرجہ : صحیح البخاری/العلم ٤١ (١١٦) ، مواقیت الصلاة ٢٠ (٦٠١) (صحیح )