Abu Dawood: Hadith 4572

عمر (رض) سے روایت ہے کہ انہوں نے اس بارے میں نبی اکرم ﷺ کے فیصلے کے متعلق پوچھا تو حمل بن مالک بن نابغہ کھڑے ہوئے، اور بولے : میں دونوں عورتوں کے بیچ میں تھا، ان میں سے ایک نے دوسری کو لکڑی سے مارا تو وہ مرگئی اور اس کا جنین بھی، تو رسول اللہ ﷺ نے اس کے جنین کے سلسلے میں ایک غلام یا لونڈی کی دیت کا، اور قاتلہ کو قتل کردیئے جانے کا حکم دیا۔ ابوداؤد کہتے ہیں : نضر بن شمیل نے کہا : مسطح چوپ یعنی (روٹی پکانے کی لکڑی) ہے۔ ابوداؤد کہتے ہیں : ابو عبید نے کہا :مسطح خیمہ کی لکڑیوں میں سے ایک لکڑی ہے۔ تخریج دارالدعوہ : سنن النسائی/القسامة ٣٣ (٤٧٢٠) ، سنن ابن ماجہ/الدیات ١١ (٢٦٤١) ، (تحفة الأشراف : ٣٤٤٤) ، وقد أخرجہ : مسند احمد (١/٣٦٤، ٤/ ٧٩) ، سنن الدارمی/الدیات ٢١ (٢٤٢٧) (صحیح )