Abu Dawood: Hadith 4634

ابوبکرہ (رض) سے روایت ہے کہ نبی اکرم ﷺ نے ایک دن فرمایا : تم میں سے کسی نے خواب دیکھا ہے ؟ ایک شخص بولا : میں نے دیکھا : گویا ایک ترازو آسمان سے اترا، آپ ﷺ کو اور ابوبکر کو تولا گیا، تو آپ ابوبکر سے بھاری نکلے، پھر عمر اور ابوبکر کو تولا گیا تو ابوبکر بھاری نکلے، پھر عمر اور عثمان کو تولا گیا تو عمر بھاری نکلے، پھر ترازو اٹھا لیا گیا، تو ہم نے رسول اللہ ﷺ کے چہرے میں ناپسندیدگی دیکھی۔ تخریج دارالدعوہ : سنن الترمذی/الرؤیا ١٠ (٢٢٨٧) ، (تحفة الأشراف : ١١٦٦٢) ، وقد أخرجہ : مسند احمد (٥/٤٤، ٥٠) (صحیح )