Abu Dawood: Hadith 466

حیوہ بن شریح کہتے ہیں کہ میں عقبہ بن مسلم سے ملا تو میں نے ان سے کہا : مجھے یہ خبر پہنچی ہے کہ آپ نے عبداللہ بن عمرو بن العاص (رض) سے اور انہوں نے نبی اکرم ﷺ سے روایت کی ہے کہ آپ ﷺ جب مسجد میں تشریف لے جاتے تو فرماتے : أعوذ بالله العظيم وبوجهه الكريم وسلطانه القديم من الشيطان الرجيم (میں اللہ عظیم کی، اس کی ذات کریم کی اور اس کی قدیم بادشاہت کی مردود شیطان سے پناہ چاہتا ہوں) تو عقبہ نے کہا : کیا بس اتنا ہی ؟ میں نے کہا : ہاں، انہوں نے کہا : جب مسجد میں داخل ہونے والا آدمی یہ کہتا ہے تو شیطان کہتا ہے : اب وہ میرے شر سے دن بھر کے لیے محفوظ کرلیا گیا۔ تخریج دارالدعوہ : تفرد بہ أبو داود، (تحفة الأشراف : ٨٨٩٠) (صحیح )