Abu Dawood: Hadith 5195

عمران بن حصین (رض) کہتے ہیں کہ ایک شخص نبی اکرم ﷺ کے پاس آیا اور اس نے السلام علیکم کہا، آپ نے اسے سلام کا جواب دیا، پھر وہ بیٹھ گیا، تو نبی اکرم ﷺ نے فرمایا : اس کو دس نیکیاں ملیں پھر ایک اور شخص آیا، اس نے السلام علیکم ورحمتہ اللہ کہا، آپ نے اسے جواب دیا، پھر وہ شخص بھی بیٹھ گیا، آپ نے فرمایا : اس کو بیس نیکیاں ملیں پھر ایک اور شخص آیا اس نے السلام علیکم ورحمتہ اللہ وبرکاتہ کہا، آپ نے اسے بھی جواب دیا، پھر وہ بھی بیٹھ گیا، آپ نے فرمایا : اسے تیس نیکیاں ملیں ۔ تخریج دارالدعوہ : سنن الترمذی/الاستئذان ٣ (٢٦٨٩) ، (تحفة الأشراف : ١٠٨٧٤) ، وقد أخرجہ : مسند احمد (٤/٤٣٩، ٤٤٠) ، سنن الدارمی/الاستئذان ١٢ (٢٦٨٢) (صحیح )