Abu Dawood: Hadith 770

رفاعہ بن رافع زرقی (رض) کہتے ہیں کہ ایک دن ہم رسول اللہ ﷺ کے پیچھے نماز پڑھ رہے تھے، جب آپ نے رکوع سے سر اٹھا کر سمع الله لمن حمده کہا تو آپ ﷺ کے پیچھے ایک آدمی نے اللهم ربنا ولک الحمد حمدا کثيرا طيبا مبارکا فيه کہا، جب رسول اللہ ﷺ نماز سے فارغ ہوئے تو فرمایا : ابھی ابھی یہ کلمات کس شخص نے کہے ہیں ؟ ، اس آدمی نے کہا : میں نے، اللہ کے رسول ! تو آپ ﷺ نے فرمایا : میں نے تیس سے زائد فرشتوں کو دیکھا جو ایک دوسرے پر سبقت حاصل کرنے کی کوشش کر رہے تھے کہ کون پہلے ان کلمات کو لکھے ۔ تخریج دارالدعوہ : صحیح البخاری/الأذان ١٢٦ (٧٩٩) ، سنن النسائی/الافتتاح ٣٦ (٩٣٢) ، التطبیق ٢٢ (١٠٦٣) ، (تحفة الأشراف : ٣٦٠٥) ، موطا امام مالک/القرآن ٧ (٢٥) ، مسند احمد (٤/٣٤٠) ، وقد أخرجہ : سنن الترمذی/الصلاة ١٨٤ (٤٠٤) (صحیح )