عبداللہ بن عمر (رض) کہتے ہیں کہ رسول اللہ ﷺ ہمیں سورة پڑھ کر سناتے (ابن نمیر کی روایت میں ہے) نماز کے علاوہ میں (آگے یحییٰ بن سعید اور ابن نمیر سیاق حدیث میں متفق ہیں) ، پھر آپ ﷺ (سجدہ کی آیت آنے پر) سجدہ کرتے، ہم بھی آپ کے ساتھ سجدہ کرتے یہاں تک کہ ہم میں سے بعض کو اپنی پیشانی رکھنے کی جگہ نہ مل پاتی ١ ؎۔ تخریج دارالدعوہ : صحیح البخاری/سجود القرآن ٨ (١٠٧٥) ، صحیح مسلم/المساجد ٢٠ (٥٧٥) ، (تحفة الأشراف : ٨٠٠٨، ٨٠١٤) ، وقد أخرجہ : مسند احمد (٢/١٥٧) ، سنن الدارمی/الصلاة ١٦١ (١٥٠٧) (صحیح ) وضاحت : ١ ؎ : ایسی صورت میں وہ اپنے ہاتھ، یا ران، یا دوسرے کی پشت پر سجدہ کرلیتے تھے۔