انس (رض) کہتے ہیں کہ رسول اللہ ﷺ ایک دن ایک ہی غسل سے اپنی تمام بیویوں کے پاس گئے ١ ؎۔ ابوداؤد کہتے ہیں : اور اسی طرح اسے ہشام بن زید نے انس سے اور معمر نے قتادہ سے، اور قتادہ نے انس سے اور صالح بن ابی الاخضر نے زہری سے اور ان سب نے انس (رض) سے اور انس نے نبی اکرم ﷺ سے روایت کیا ہے۔ تخریج دارالدعوہ : سنن النسائی/الطھارة ١٧٠ (١٩٤) ، (تحفة الأشراف : ١٥٠٣، ٥٦٨) ، وقد أخرجہ : صحیح البخاری/الغسل ١٢ (٢٦٨) ، ١٧ (٢٧٥) ، والنکاح ٤ (٥٠٦٨) ، ١٠٢ (٥٢١٥) ، صحیح مسلم/الطہارة ٦ (٣٠٩) ، سنن الترمذی/الطھارة ١٠٦ (١٤٠) ، سنن ابن ماجہ/الطھارة ١٠١ (١٤٠) ، مسند احمد (٣/٢٢٥، سنن الدارمی/الطھارة ٧١ (٧٨٠) (صحیح ) وضاحت : ١ ؎ : یعنی سب سے صحبت کی، اور پھر آخر میں غسل کیا۔