ابوہریرہ (رض) کہتے ہیں کہ مدینہ کے ایک راستے میں مجھ سے رسول اللہ ﷺ کی ملاقات ہوگئی، میں اس وقت جنبی تھا، اس لیے پیچھے ہٹ گیا اور (وہاں سے) چلا گیا، پھر غسل کر کے واپس آیا تو آپ ﷺ نے پوچھا : ابوہریرہ ! تم کہاں (چلے گئے) تھے ؟ ، میں نے عرض کیا : میں جنبی تھا، اس لیے ناپاکی کی حالت میں آپ کے پاس بیٹھنا مجھے نامناسب معلوم ہوا، آپ ﷺ نے فرمایا : سبحان اللہ ! مسلمان نجس نہیں ہوتا ۔ تخریج دارالدعوہ : صحیح البخاری/الغسل ٢٣ (٢٨٣) ، صحیح مسلم/الحیض ٢٩ (٣٧١) ، سنن الترمذی/الطھارة ٨٩ (١٢١) ، سنن النسائی/الطھارة ١٧٢ (٢٧٠) ، سنن ابن ماجہ/الطھارة ٨٠ (٥٣٤) ، (تحفة الأشراف : ١٤٦٤٨) ، وقد أخرجہ : مسند احمد (٢/٢٣٥، ٢٨٢، ٤٧١) (صحیح )