اس سند سے بھی علی (رض) سے یہی قصہ مروی ہے، اس میں ہے کہ حاطب بن ابی بلتعہ نے اہل مکہ کو لکھ بھیجا کہ محمد ﷺ تمہارے اوپر حملہ کرنے والے ہیں، اس روایت میں یہ بھی ہے کہ وہ عورت بولی : میرے پاس تو کوئی خط نہیں ہے ، ہم نے اس کا اونٹ بٹھا کر دیکھا تو اس کے پاس ہمیں کوئی خط نہیں ملا، علی (رض) نے کہا : قسم ہے اس ذات کی جس کی قسم کھائی جاتی ہے ! میں تجھے قتل کر ڈالوں گا، ورنہ خط مجھے نکال کر دے، پھر پوری حدیث ذکر کی۔ تخریج دارالدعوہ : صحیح البخاری/ الجہاد ١٩٥ (٣٠٨١) ، المغازی ٩ (٣٩٨٣) ، الاستئذان ٢٣ (٦٢٥٩) ، صحیح مسلم/ فضائل الصحابة ٣٦ (٢٤٩٤) ، (تحفة الأشراف : ١٠١٦٩) ، وقد أخرجہ : مسند احمد (١/١٠٥، ١٣١) (صحیح )