صعب بن جثامہ (رض) سے روایت ہے کہ انہوں نے نبی اکرم ﷺ سے مشرکین کے گھروں کے بارے میں پوچھا کہ اگر ان پر شب خون مارا جائے اور ان کے بچے اور بیوی زخمی ہوں (تو کیا حکم ہے ؟ ) ، تو نبی اکرم ﷺ نے فرمایا : وہ بھی انہیں میں سے ہیں اور عمرو بن دینار کہتے تھے : وہ اپنے آباء ہی میں سے ہیں ۔ زہری کہتے ہیں : پھر رسول اللہ ﷺ نے اس کے بعد عورتوں اور بچوں کے قتل سے منع فرما دیا۔ تخریج دارالدعوہ : صحیح البخاری/الجھاد ١٤٦ (٣٠١٢) ، صحیح مسلم/الجھاد ٩ (١٧٨٥) ، سنن الترمذی/السیر ١٩ (١٥٧٠) ، سنن ابن ماجہ/الجھاد ٣٠ (٢٨٣٩) ، (تحفة الأشراف : ٤٩٣٩) ، وقد أخرجہ : مسند احمد (٤/٣٨، ٧١، ٧٢، ٧٣) (صحیح) (زہری کا مذکورہ قول مؤلف کے سوا کسی کے یہاں نہیں ہے )