عروہ کہتے ہیں کہ ام المؤمنین عائشہ (رض) نے انہیں بتایا کہ رسول اللہ ﷺ عورتوں سے کس طرح بیعت لیا کرتے تھے، انہوں نے کہا کہ رسول اللہ ﷺ نے کبھی کسی اجنبی عورت کا ہاتھ نہیں چھوا، البتہ عورت سے عہد لیتے جب وہ عہد دے دیتی تو آپ ﷺ فرماتے : جاؤ میں تم سے بیعت لے چکا ۔ تخریج دارالدعوہ : صحیح مسلم/الإمارة ٢١ (١٨٦٦) ، سنن الترمذی/تفسیر القرآن ٦٠ (٣٣٠٦) (تحفة الأشراف : ١٦٦٠٠) ، وقد أخرجہ : صحیح البخاری/تفسیر سورة الممتحنة ٢ (٤٨٩١) ، والطلاق ٢٠ (٥٢٨٨) ، والأحکام ٤٩ (٧٢١٤) ، سنن ابن ماجہ/الجھاد ٤٣ (٢٨٧٥) ، مسند احمد (٦/١١٤) (صحیح )