سعد بن ابی وقاص (رض) نے کہا میں مکے میں بیمار ہوا تو نبی اکرم ﷺ میری عیادت کے لیے تشریف لائے اور اپنا ہاتھ آپ ﷺ نے میری پیشانی پر رکھا پھر میرے سینے اور پیٹ پر ہاتھ پھیرا پھر دعا کی : اللهم اشف سعدا وأتمم له هجرته اے اللہ ! سعد کو شفاء دے اور ان کی ہجرت کو مکمل فرما ١ ؎۔ تخریج دارالدعوہ : صحیح البخاری/ المرضی ١٣ (٥٦٥٩) ، سنن النسائی/ الوصایا ٣ (٣٦٥٦) ، (تحفة الأشراف : ٣٩٥٣) ، وقد أخرجہ : مسند احمد (١/١٧١) (صحیح ) وضاحت : ١ ؎ : مکہ سے مدینہ پہنچا دے ایسا نہ ہو کہ مکہ ہی میں انتقال ہوجائے اور ہجرت ناقص رہ جائے۔