ابوہریرہ (رض) کہتے ہیں کہ عمر بن خطاب (رض) جمعہ کا خطبہ دے رہے تھے کہ اسی دوران ایک آدمی ١ ؎ داخل ہوا تو آپ نے کہا : کیا تم لوگ نماز (میں اول وقت آنے) سے رکے رہتے ہو ؟ اس شخص نے کہا : جوں ہی میں نے اذان سنی ہے وضو کر کے آگیا ہوں، اس پر عمر (رض) نے کہا : اچھا صرف وضو ہی ؟ کیا تم لوگوں نے رسول اللہ ﷺ کو فرماتے نہیں سنا ہے : جب تم میں سے کوئی جمعہ کے لیے آئے تو چاہیئے کہ غسل کرے ۔ تخریج دارالدعوہ : صحیح البخاری/الجمعة ٢ (٨٧٨) ، ٥ (٨٨٢) ، صحیح مسلم/الجمعة ١ (٨٤٥) ، موطا امام مالک/النداء للصلاة ١(٣) ، (تحفة الأشراف : ١٠٦٦٧) ، وقد أخرجہ : سنن الترمذی/الجمعة ٣ (٤٩٤) ، سنن الدارمی/الصلاة ١٩٠ (١٥٨٠) (صحیح ) وضاحت : ١ ؎: اس سے مراد عثمان بن عفان (رض) ہیں۔