کلیب کہتے ہیں کہ وہ نبی اکرم ﷺ کے پاس آئے اور بولے : میں اسلام لے آیا ہوں، تو نبی اکرم ﷺ نے ان سے فرمایا : تم اپنے (بدن) سے کفر کے بال صاف کراؤ ، آپ ﷺ فرما رہے تھے : بال منڈوا لو ، عثیم کے والد کا بیان ہے کہ ایک دوسرے شخص نے مجھے یہ خبر دی کہ نبی اکرم ﷺ نے دوسرے شخص سے جو ان کے ساتھ تھا فرمایا : تم اپنے (بدن) سے کفر کے بال صاف کرو اور ختنہ کرو ۔ تخریج دارالدعوہ : تفرد بہ أبوداود، (تحفة الأشراف : ١١١٦٨، ١٥٦٦٦) ، وقد أخرجہ : مسند احمد (٣/٤١٥) (حسن) ( اس کی سند میں ضعف ہے : ابن جریج اور عثیم کے درمیان ایک راوی مجہول ہے، نیز خود عثیم اور ان کے والد کثیر بن کلیب بھی مجہول ہیں، اس کو تقویت قتادہ اور ابو ہشام کی حدیث سے ہے جو طبرانی میں ہے ١٩ ؍ ١٤) (صحیح ابی داود : ٣٨٣) ۔