عبداللہ بن عباس (رض) کہتے ہیں کہ جب خوارج نکلے تو میں علی (رض) کے پاس آیا تو آپ نے کہا : تم ان لوگوں کے پاس جاؤ تو میں یمن کا سب سے عمدہ جوڑا پہن کر ان کے پاس گیا۔ ابوزمیل کہتے ہیں : ابن عباس (رض) ایک خوبصورت اور وجیہ آدمی تھے۔ ابن عباس (رض) کہتے ہیں : تو میں ان کے پاس آیا تو انہوں نے کہا : خوش آمدید اے ابن عباس ! اور پوچھا : یہ کیا پہنے ہو ؟ ابن عباس نے کہا : تم مجھ میں کیا عیب نکالتے ہو میں نے رسول اللہ ﷺ کو اچھے سے اچھا جوڑا پہنے دیکھا ہے۔ تخریج دارالدعوہ : تفرد بہ أبو داود، (تحفة الأشراف : ٥٦٧٦) (حسن الإسناد )