محمد بن منکدر کہتے ہیں کہ میں نے جابر بن عبداللہ (رض) کو دیکھا کہ وہ اللہ کی قسم کھا کر کہہ رہے تھے کہ ابن صیاد دجال ہے، میں نے کہا : آپ اللہ کی قسم کھا رہے ہیں ؟ تو بولے : میں نے عمر (رض) کو اس بات پر رسول اللہ ﷺ کے پاس قسم کھاتے سنا ہے، لیکن رسول اللہ ﷺ نے اس پر ان پر کوئی نکیر نہیں فرمائی ١ ؎۔ تخریج دارالدعوہ : صحیح البخاری/الاعتصام ٢٣ (٧٣٥٥) ، صحیح مسلم/الفتن ١٩ (٢٩٢٩) ، (تحفة الأشراف : ٣٠١٩) (صحیح ) وضاحت : ١ ؎ : یہ تمیم داری (رض) والے واقعہ کے رسول اللہ ﷺ کے علم میں آنے سے پہلے کی بات ہے۔