ابوہریرہ (رض) کہتے ہیں کہ ایک شخص رسول اللہ ﷺ کے پاس لایا گیا جس نے شراب پی رکھی تھی، تو آپ نے فرمایا : اسے مارو ابوہریرہ (رض) کہتے ہیں : تو ہم میں سے کسی نے ہاتھ سے، کسی نے جوتے سے، اور کسی نے کپڑے سے، اسے مارا، پھر جب فارغ ہوئے تو کسی نے کہا : اللہ تجھے رسوا کرے، رسول اللہ ﷺ نے فرمایا : ایسا نہ کہو اس کے خلاف شیطان کی مدد نہ کرو ۔ تخریج دارالدعوہ : صحیح البخاری/الحدود ٤ (٦٧٧٧) ، ٥ (٦٧٨١) ، (تحفة الأشراف : ١٤٩٩٩) ، وقد أخرجہ : مسند احمد ( ٢/٢٩٩، ٣٠٠) (صحیح )