Sunan Al Bayhaqi: Hadith 10304

(١٠٢٩٩) داؤد بن خالد بن دینار سے روایت ہے کہ اس کا اور ایک آدمی جس کو ابن یوسف کہا جاتا تھا ربیعۃ بن عبدالرحمن کے پاس سے گزر ہوا تو ابن یوسف نے کہا : ہم دوسروں کے پاس وہ احادیث پاتے ہیں جو تیرے پاس نہیں ہے، اس نے کہا : میرے پاس بہت سی احادیث ہیں، لیکن ربیعہ بن ہدید طلحہ بن عبیداللہ کے پاس رہتا تھا ۔ اس کا خیال ہے کہ طلحہ کو نبی (صلی اللہ علیہ وآلہ وسلم) سے حدیث بیان کرتے کبھی نہیں سنا سوائے ایک حدیث ۔ ربیعہ نے کہا کہ میں نے کہا : وہ کیا ہے ؟ مجھے طلحہ بن عبیداللہ نے کہا کہ ہم نبی (صلی اللہ علیہ وآلہ وسلم) کے ساتھ نکلے اور واقم کی گرمی کی طرف گئے ہمیں وہاں کچھ دکھائی دیا ۔ وہ کچھ پرانی قبریں تھیں، ہم نے کہا : یہ ہمارے بھائیوں کی قبریں ہیں، آپ (صلی اللہ علیہ وآلہ وسلم) نے فرمایا : یہ ہمارے ساتھیوں کی قبریں ہیں، پھر ہم شہداء کی قبروں کے پاس آئے تو آپ (صلی اللہ علیہ وآلہ وسلم) نے فرمایا : یہ ہمارے بھائیوں کی قبریں ہیں۔