Sunan Al Bayhaqi: Hadith 10982

(١٠٩٧٧) حضرت جابر بن عبداللہ (رض) فرماتے ہیں کہ رسول اللہ (صلی اللہ علیہ وآلہ وسلم) مدینہ سے مشرکین کے خلاف جہاد کے لیے نکلے، اس نے حدیث ذکر کی۔ اس میں ہے کہ ان کے والد شہید ہوئے اور قرضہ لینے والوں کی ان پر سختی ہوئی، حضرت جابر فرماتے ہیں کہ نبی (صلی اللہ علیہ وآلہ وسلم) نے فرمایا : فلاں کو بلاؤ۔ یعنی وہ قرضہ لینے والا جس نے میرے اوپر سختی کی تھی، قرضہ کے تقاضا میں، آپ (صلی اللہ علیہ وآلہ وسلم) نے فرمایا : جابر کے والد پر جو قرض تھا آئندہ پھل کی کٹائی تک مؤخر کر دو ۔ اس نے کہا : میں ایسا کرنے والا نہیں ہوں۔ وہ اس بات پر اڑ گیا، کیونکہ یہ یتیموں کا مال ہے، آپ (صلی اللہ علیہ وآلہ وسلم) نے پوچھا : جابر کہاں ہیں ؟ حدیث میں قرض کی ادائیگی کا بیان ہے۔