Sunan Al Bayhaqi: Hadith 11509

(١١٥٠٤) حضرت ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : کیا تم جانتے ہو مفلس کون ہے ؟ صحابہ نے جواب دیا : ہم میں مفلس وہ ہے جس کے پاس درہم نہ ہوں اور نہ سازو سامان ہو۔ آپ نے فرمایا : مفلس وہ ہے جو قیامت کے دن نمازیں ، روزے اور زکوۃ لے کر آئے گا اور اس کے علاوہ دنیا میں کسی کو گالی دی ہوگی۔ کسی پر بہتان لگایا ہوگا۔ کسی کا مال کھایا ہوگا۔ کسی کا خون بہایا ہوگا۔ کسی کو مارا ہوگا، پس اس کی نیکیاں ان کو (جس پر ظلم کیا ہوگا ) دے دی جائیں گی اور اس کی نیکیاں ختم ہوجائیں گی لیکن ابھی بدلے لینے والے موجود ہوں گے تو ان کی برائیاں اس پر ڈال دی جائیں گی پھر اسے جہنم میں ڈال دیا جائے گا۔