Sunan Al Bayhaqi: Hadith 12170

(١٢١٦٥) حضرت ابن عباس (رض) سے روایت ہے کہ رسول اللہ (صلی اللہ علیہ وآلہ وسلم) نے بدر کے دن جھنڈا حضرت علی (رض) کو دیا اور وہ اس وقت بیس برس کے تھے۔
امام احمد (رح) فرماتے ہیں کہ رسول اللہ (صلی اللہ علیہ وآلہ وسلم) کے مدینہ آنے کے ایک سال یا نصف سال بعد غزوہ بدر واقع ہوا اور انھوں نے مکہ میں بعثت کے بعد کی مدت کے بارے میں اختلاف کیا ہے۔ کہا گیا ہے : دس برس اور یہ بھی کہا گیا ہے : تیرہ برس اور یہ بھی کہا گیا ہے کہ پندرہ برس۔ اگر مکہ میں دس برس مدت تھی تو صحیح ہے کہ حضرت علی (رض) غزوہ بدر کے وقت بیس برس کے تھے، تو ان کی اسلام لانے کی عمر اس کے قریب ہوگی جو عروہ نے بیان کیا۔ اگر مکہ کی مدت تیرہ یا پندرہ برس ہے تو یہ کم ہی صحیح ہے۔
انھوں نے حضرت علی (رض) کی شہادت کے وقت ان کی عمر میں اختلاف کیا ہے۔ کہا گیا ہے : پینسٹھ سال اور یہ بھی کہا گیا ہے : تریسٹھ سال اور اس سے کم بھی بیان کی گئی ہے اور مشہور یہ ہے کہ تریسٹھ سال۔ اگر ہجرت رسول کے چالیسویں سال کی بنیاد بنایا جائے تو ان کی یہ عمر اس قول کے لحاظ سے ہے، جس نے کہا کہ رسول اللہ (صلی اللہ علیہ وآلہ وسلم) مکہ میں دس سے تیرہ سال رہے اور اگر اس قول کو بنیاد بنایا جائے جس نے کہا : تیرہ سال سے دس سال تک تو یہ اکثر روایات میں ہے، جس میں آپ (رض) نے نبی (صلی اللہ علیہ وآلہ وسلم) کے ساتھ نماز پڑھی۔ جس میں احتمال ہے کہ آپ (رض) بالغ تھے اور جو اشعار میں منقول ہے ان کی اسناد ضعیف ہیں ‘ بالغ ہونے کا صحیح حکم جو ممیز بچے سے الگ ہے، شرعاً حضرت علی (رض) کے اسلام کے بعد ہے، ان کا اسلام لانا ان کے صحیح ہونے کا حکم ہے۔ چونکہ باقیوں کے لیے اسلام سے متصف ہونا، بلوغت کے بعد ہے یا نبی (صلی اللہ علیہ وآلہ وسلم) نے انھیں مخاطب کر کے اسلام کی دعوت دی ہے، جبکہ باقی بچے مخاطب نہیں ہیں، یا پھر ممیز بچے کا قول تب اس پر صحت کا حکم ہوگا اس کے علاوہ شرع کے وارد ہونے سے پہلے یا جب وہ محتلم ہوگیا تو وہ بالغ ہوجائے گا۔
قتادہ کی روایت میں ہے کہ سیدنا علی (رض) نے جب اسلام قبول کیا تو ان کی عمر پندرہ سال یا سولہ تھی۔