Sunan Al Bayhaqi: Hadith 12884

(١٢٨٧٩) عبداللہ بن ابوبکر بن محمد بن عمرو بن حزم کہتے ہیں : تقسیم اور حصے غزوہ بنی قریظہ میں واقع ہوئے تھے۔ اس دن چھتیس گھوڑے تھے۔ رسول اللہ (صلی اللہ علیہ وآلہ وسلم) نے ایک گھوڑے کے لیے دو حصی اور پیدل آدمیوں کے لیے ایک ایک حصہ مقرر کیا۔ اسی پر تقسیم کا طریقہ چل نکلا، رسول اللہ (صلی اللہ علیہ وآلہ وسلم) نے اس دن گھوڑے والے اور گھوڑے کے لیے تین حصے۔ ایک حصہ اس کا اور دو حصے گھوڑے کے مقرر کیے اور پیدل کا بھی ایک حصہ مقرر کیا۔ لیکن بدر کے دن حصے واقع نہ ہوئے تھے اور نہ اس میں ان کے لیے غنیمتیں حلال تھیں، حتیٰ کہ قریب تھا کہ لوگ ہلاک ہوجاتے۔ پھر اللہ تعالیٰ نے ان کے لیے حلال کیا، فرمایا : { لَوْلاَ کِتَابٌ مِنَ اللَّہِ سَبَقَ } دو آیتوں کے آخر تک۔ پھر احد کے دن عام مصیبت تھی، پھر خندق کے دن عام گھیرا تھا۔ پھر غزوہ بنو قریظہ ہوا۔ پس اسی سے تقسیم کی سنت چل نکلی آج تک۔