Sunan Al Bayhaqi: Hadith 13366

(١٣٣٦٠) انس (رض) فرماتے ہیں کہ جب زینب (رض) کی عدت پوری ہوگئی تو نبی (صلی اللہ علیہ وآلہ وسلم) نے زید کو کہا : وہ زینب کے پاس جائے اور اس کے پاس میرا ذکر کرے، زید کہتے ہیں کہ میں چلا، میں نے اس کو دیکھا کہ وہ اپنے رخساروں کو چھپائے ہوئے تھیں، پس میں طاقت نہ رکھ سکا کہ میں اس کو طرف دیکھوں تو میرے دل میں ان کے لیے عظمت بڑھ گئی ۔ جب میں نے جان لیا کہ نبی (صلی اللہ علیہ وآلہ وسلم) نے اس کا ذکر کیا ہے تو میں نے کہا کہ تجھے رسول اللہ (صلی اللہ علیہ وآلہ وسلم) نے یاد کیا ہے، تو اس نے کہا : جب تک میں اپنے رب سے مشورہ نہ کرلوں، میں کچھ بھی نہیں کروں گی۔ وہ اپنی نماز والی جگہ پر کھڑی ہوئی اور قرآن نازل ہوا اور نبی (صلی اللہ علیہ وآلہ وسلم) آئے اور آپ (صلی اللہ علیہ وآلہ وسلم) بغیر اجازت کے اس پر داخل ہوگئے۔