Sunan Al Bayhaqi: Hadith 13682

(١٣٦٧٦) ایک عورت حضرت عائشہ (رض) کے پاس آئی اور کہا : میرے باپ نے میرا نکاح اپنے بھتیجے سے کیا ہے تاکہ اس کی وجہ سے وہ سر بلندی حاصل کرے اور میں اس کو ناپسند کرتی ہوں تو حضرت عائشہ (رض) نے کہا : تو بیٹھ جا یہاں تک کہ نبی (صلی اللہ علیہ وآلہ وسلم) آجائیں تو ان کو بتانا۔ جب نبی (صلی اللہ علیہ وآلہ وسلم) آئے تو اس نے آپ سے ذکر کیا، آپ (صلی اللہ علیہ وآلہ وسلم) نے اس کے باپ کی طرف پیغام بھیجا جب اس کا باپ آگیا تو اس نے اس کی مرضی کے مطابق حکم دے دیا۔ جب عورت نے دیکھا کہ اس کی مرضی کے مطابق بھی حکم ہوسکتا ہے تو اس نے کہا : جو میرے باپ نے نکاح کردیا ہے وہ ٹھیک ہے میں تو صرف یہ جاننا چاہتی تھی کہ کیا عورت کا بھی کوئی حق ہے یا نہیں ہے ؟