Sunan Al Bayhaqi: Hadith 13799

(١٣٧٩٣) مقاتل بن حبان اللہ کے اس قول : { یٰٓاَیُّھَا الَّذِیْنَ اٰمَنُوْا لَا یَحِلُّ لَکُمْ اَنْ تَرِثُوا النِّسَآئَ کَرْھًا } ” اے لوگو ! جو ایمان لائے ہو تمہارے لیے جائز نہیں کہ تم زبردستی عورتوں کے وارث بنو۔ “ کے بارے میں فرماتے ہیں : جب جاہلیت میں آدمی فوت ہوجاتا تو میت کے ورثاء اس کی بیوی پر کپڑا ڈال کر اس کے نکاح کے وارث بن جاتے تو وہ اس کے نکاح کے زیادہ حق دار ہوتے۔ اللہ نے یہ آیت نازل فرمائی : { وَ لَا تَعْضُلُوْھُنَّ لِتَذْھَبُوْا بِبَعْضِ مَآ اٰتَیْتُمُوْھُنَّ } [النساء ١٩] ” اور مت روکو ان کو تاکہ لے لو تم وہ چیز جو تم نے ان کو دی ہے “ یعنی حق مہر۔ مرد عورت کو روکتا حالانکہ اس کو اس کی کوئی ضرورت نہ ہوتی صرف فدیہ کا ارادہ رکھتا۔ یہ اللہ کا قول { وَ لَا تَعْضُلُوْھُنَّ } ” تم مت روکو ان کو۔ “ وہ کہتے کہ تم مت منع کرو۔ یا مت روکو۔ { لِتَذْھَبُوْا بِبَعْضِ مَآ اٰتَیْتُمُوْھُنَّ } ” یعنی جو تم نے ان کو عطا کردیا۔ “ { اِلَّآ اَنْ یَّاْتِیْنَ بِفَاحِشَۃٍ مُّبَیِّنَۃٍ } [النساء ١٩] ” یعنی واضح نافرمانی۔ “ اس کی وجہ سے اللہ نے مارنے اور چھوڑنے کی اجازت دی ہے۔ اگر وہ انکار کرے تو پھر فدیہ بھی جائز ہے۔