Sunan Al Bayhaqi: Hadith 13840

(١٣٨٣٤) حضرت سہل بن سعد فرماتے ہیں کہ ہم رسول اللہ (صلی اللہ علیہ وآلہ وسلم) کے پاس تھے تو ایک عورت نے نبی (صلی اللہ علیہ وآلہ وسلم) پر اپنا آپ پیش کردیا۔ آپ (صلی اللہ علیہ وآلہ وسلم) نے نظر جھکائی اور اٹھائی، لیکن آپ نے اس کا قصد نہ کیا تو صحابہ میں سے ایک آدمی نے کہا : اے اللہ کے رسول (صلی اللہ علیہ وآلہ وسلم) ! اس کا نکاح مجھ سے کردیں، آپ (صلی اللہ علیہ وآلہ وسلم) نے فرمایا : کیا تیرے پاس کوئی چیز ہے۔ اس نے کہا : اے اللہ کے رسول (صلی اللہ علیہ وآلہ وسلم) ! میرے پاس کچھ نہیں۔ آپ (صلی اللہ علیہ وآلہ وسلم) نے پوچھا : لوہے کی انگوٹھی بھی نہیں تو کہنے لگا : لوہے کی انگوٹھی بھی نہیں، لیکن میں اپنی چادر دو حصوں میں تقسیم کر کے آدھا اس کو دے دیتا ہوں۔ آپ (صلی اللہ علیہ وآلہ وسلم) نے فرمایا : کیا تجھے قرآن یاد ہے اس نے کہا : ہاں۔ آپ (صلی اللہ علیہ وآلہ وسلم) نے فرمایا : جاؤ میں نے تیرا نکاح اس کے ساتھ اس قرآن کے بدلے کردیا ہے، یعنی اسے تعلیم دے دینا۔