Sunan Al Bayhaqi: Hadith 13862

(١٣٨٥٦) ابو معبد فرماتے ہیں کہ حضرت عبداللہ بن عباس (رض) نے اپنے غلام کی شادی لونڈی سے کردی تو اس نے طلاق دے دی۔ حضرت عبداللہ بن عباس (رض) نے فرمایا : رجوع کرو، اس نے انکار کردیا۔ راوی کہتے ہیں کہ ابن عباس (رض) نے فرمایا : یہ تیری ملکیت ہے تو اس سے مجامعت کر، ان کی مراد یہ تھی کہ یہ نکاح کی وجہ سے حلال ہوگئی ہے اور طلاق کا اختیار نہیں۔
امام شافعی (رح) اپنے جدید قول میں فرماتے ہیں کہ حضرت عبداللہ بن عباس (رض) نے اپنے غلام سے کہا، جس نے اپنی بیوی کو طلاق دی تھی کہ تیری طلاق نہیں، اپنی بیوی کو روکے رکھ۔ تو اس نے انکار کردیا۔ حضرت عبداللہ بن عباس (رض) کا مقصد یہ تھا کہ یہ تیرے لیے نکاح کی وجہ سے حلال ہے۔ اس پر طلاق نہیں ہے۔