Sunan Al Bayhaqi: Hadith 15062

(١٥٠٥٦) عکرمہ حضرت عمر (رض) سے نقل فرماتے ہیں کہ اگر خاوند بیوی کو اپنے اوپر حرام کرلیتا ہے تو وہ قسم کا کفارہ دے گا۔
(ب) سعید بن جبیر حضرت عبداللہ بن عباس (رض) سے نقل فرماتے ہیں کہ وہ حرام کے متعلق فرماتے ہیں : اس میں قسم کا کفارہ دینا ہوتا ہے اور فرمایا : { لَقَدْ کَانَ لَکُمْ فِیْ رَسُوْلِ اللّٰہِ اُسْوَۃٌ حَسَنَۃٌ} [الاحزاب ٢١] ” تمہارے لیے رسول اللہ (صلی اللہ علیہ وآلہ وسلم) کی زندگی میں نمونہ ہے۔ “ یعنی نبی (صلی اللہ علیہ وآلہ وسلم) نے ماریہ کو اپنے اوپر حرام کرلیا تھا تو اللہ نے فرمایا : { لِمَ تُحَرِّمُ مَا اَحَلَّ اللّٰہُ لَکَ } [التحریم ١] ” آپ نے کیوں حرام کرلیا جو اللہ نے آپ کے لیے حلال کیا تھا۔ “{ قَدْ فَرَضَ اللّٰہُ لَکُمْ تَحِلَّۃَ اَیْمَانِکُمْ } [التحریم ٢] ” اللہ نے تمہارے لیے قسموں کا کفارہ مقرر فرمایا ہے۔ “ اس کا کفارہ قسم کا ہے اور حرام کہنے کو قسم کی مانند ٹھہرایا ہے۔