Sunan Al Bayhaqi: Hadith 15555

(١٥٥٤٩) ابو حرب بن ابو اسود دیلی سے روایت ہے کہ عمر (رض) کے پاس ایک عورت کو لایا گیا جس نے چھ ماہ کے بعد بچے کو جنم دیا تھا۔ عمر (رض) نے اس کے رجم کرنے کا ارادہ فرمایا۔ یہ بات علی (رض) کو پہنچی۔ انھوں نے فرمایا : اس پر رجم نہیں ہے۔ یہ بات عمر (رض) کو پہنچی تو آپ نے ان کی طرف قاصد کو بھیجا کہ وہ اس سے سوال کرے اور فرمایا : { وَ الْوَالِدٰتُ یُرْضِعْنَ اَوْلَادَھُنَّ حَوْلَیْنِ کَامِلَیْنِ لِمَنْ اَرَادَ اَنْ یُّتِمَّ الرَّضَاعَۃَ } ” اور مائیں اپنی اولاد کو دودھ پلائیں مکمل دو سال جو ارادہ کریں رضاعت کو مکمل کرنے کا۔ [البقرۃ ٢٣٣] اور فرمایا : { وَحَمْلُہٗ وَفِصٰلُہٗ ثَلٰـثُوْنَ شَہْرًا } ” اور حمل اور دودھ چھڑوانے کی مدت تیس ماہ ہے۔ “ [الاحقاف ١٥] چھ ماہ اس کے حمل کی مدت اور دو سال اس کے دودھ چھڑوانے کی مدت ہے۔ اس پر حد نہیں ہی یا فرمایا : اس پر رجم نہیں ہے۔ چنانچہ اس کو عمر (رض) نے چھوڑ دیا، پھر اس نے بچے کو جنم دیا۔