Sunan Al Bayhaqi: Hadith 15557

(١٥٥٥١) مالک فرماتے ہیں کہ ان کو حدیث پہنچی کہ عثمان بن عفان (رض) کے پاس ایک عورت کو لایا گیا۔ اس نے چھ ماہ میں بچے کو جنم دیا۔ عثمان بن عفان (رض) نے اس کے رجم کرنے کا حکم دیا تو علی بن ابی طالب (رض) نے فرمایا : اس پر رجم نہیں ہے۔ اللہ تعالیٰ نے فرمایا : { وَحَمْلُہٗ وَفِصٰلُہٗ ثَلٰـثُوْنَ شَہْرًا } [الاحقاف ١٥] ” اور حمل اور اس کے دودھ چھڑوانے کی مدت تیس ماہ ہے۔ “ [الاحقاف ١٥] اور فرمایا : وَفِصٰلُہٗ فِیْ عَامَیْنِ ” اس کے دودھ چھڑوانے کی مدت دو سال ہے اور فرمایا : { وَالْوَالِدٰتُ یُرْضِعْنَ اَوْلَادَھُنَّ حَوْلَیْنِ کَامِلَیْنِ } [البقرۃ ٢٣٣] مدت رضاعت چوبیس ماہ ہے اور مدت حمل چھ ماہ ہے۔ عثمان (رض) نے اس کے بارے میں حکم دیا، اس کو لوٹایا گیا اور اس کو پایا گیا تو اسے رجم کردیا گیا تھا اور اللہ ہی زیادہ جاننے والا ہے۔