Sunan Al Bayhaqi: Hadith 15565

(١٥٥٥٩) عبداللہ بن عبداللہ بن ابو امیہ سے روایت ہے کہ ایک عورت کا خاوند فوت ہوگیا۔ اس نے چار ماہ اور دس دن عدت کے گزارے پھر جب وہ حلال ہوگئی تو اس نے شادی کرلی۔ وہ اپنے خاوند کے پاس ساڑھے چار ماہ رہی، پھر اس نے مکمل بچے کو جنم دے دیا۔ اس کا خاوند عمر بن خطاب کے پاس آیا اور ان کے سامنے معاملے کا ذکر کیا۔ عمر بن خطاب (رض) نے پہلی جاہلیت کی عورتوں کو بلایا۔ ان سے اس معاملے کے بارے میں سوال کیا۔ ان عورتوں میں سے ایک عورت نے کہا : میں آپ کو اس عورت کے بارے میں بتاتی ہوں۔ اس کا خاوند فوت ہوگیا جس سے وہ حاملہ ہوئی اور پھر اس کا خون بہتا تھا۔ اس کا بچہ اس کے پیٹ میں خشک ہوگیا۔ جب اس کا وہ خاوند جس سے اس نے نکاح کیا اس کو پہنچا اور بچے کو پانی پہنچا۔ بچے نے پیٹ میں حرکت کی اور بڑا ہوا۔ عمر بن خطاب (رض) نے اس کی تصدیق کی اور ان دونوں کو جدا جدا کردیا۔ عمر (رض) نے فرمایا : مجھے تم دونوں کے بارے میں سوائے خیر کے کوئی خبر نہیں ملی اور بچے کو پہلے کی طرف لوٹا دیا۔