Sunan Al Bayhaqi: Hadith 16221

(١٦٢١٥) امام شافعی (رح) فرماتے ہیں : سب سے پہلا زخم حارصہ ہوتا ہے جس میں کھال تھوڑی سی پھٹتی ہے، اسی سے ہے کہ ” حرص القصار الثوب “ کہ قصار نے کپڑا پھاڑا، اس کے بعد زخم باضعہ ہے ، اس میں گوشت پھٹ جاتا ہے اور جلد کے بعد والا حصہ ظاہر ہوجاتا ہے۔ پھر متلاحمۃ ہے یہ وہ زخم ہے جو گوشت کو کاٹ دیتا ہے لیکن زیادہ گہرا نہیں ہوتا اس کے بعد سمحاق ہے سمحاق یہ ہڈی اور گوشت کے درمیان باریک سا پردہ ہوتا ہے اور یہ ایک جھلی کی مانند ہوتا ہے جب زخم اس جھلی تک پہنچے لیکن ہڈی ظاہر نہ ہو تو یہ سمحاق ہوتا ہے اور ملطاۃ بھی اسی زخم کو کہتے ہیں اور الموضحۃ اس زخم کو کہتے ہیں جو اس جھلی کو بھی پھاڑ کر ہڈی کو ظاہر کر دے اور ہاشمۃ کہ جس میں ہڈی ٹوٹ جائے اور المنقلۃ وہ زخم ہے جس میں ہڈی کے ذرات شامل ہوں اور مأمومۃ وہ زخم ہے جو دماغ تک پہنچے اور جائفۃ جو پیٹ پھاڑ دے اور زخم آنتوں تک پہنچے اور جو موضحہ کے علاوہ ہیں وہ خدوش ہیں، ان میں صلح ہے اور دامیۃ ایسا زخم کہ خراش آجائے یا چوٹ لگے لیکن خون نہ بہے۔