Sunan Al Bayhaqi: Hadith 16796

(١٦٧٩٠) ابوبکر بن محمد بن عمرو بن حزم اپنے والد سے روایت کرتے ہیں کہ جب حضرت عمار کو قتل کردیا گیا تو عمرو بن حزم عمرو بن عاص کے پاس آئے اور کہنے لگے : عمار کو قتل کردیا گیا ہے اور نبی (صلی اللہ علیہ وآلہ وسلم) نے فرمایا تھا : اے عمار ! تجھے باغی گروہ قتل کرے گا تو عمرو کھڑے ہوئے، ان کا رنگ اڑا ہوا تھا۔ یہ معاویہ کے پاس آئے اور کہا : عمار کو قتل کردیا گیا ہے تو معاویہ نے پوچھا : کیوں ؟ عمرو نے کہا : نبی (صلی اللہ علیہ وآلہ وسلم) نے فرمایا تھا : اے عمار ! تجھے باغی گروہ قتل کرے گا تو معاویہ نے فرمایا : تو اپنے ہی پیشاب میں دھنس گیا۔ کیا ہم نے اسے مارا ہے ؟ اسے علی (رض) اور اس کے اصحاب نے قتل کیا ہے اور ہماری طرف ان کو پھینک دیا ہے۔