Sunan Al Bayhaqi: Hadith 16932

(١٦٩٢٦) ابوہریرہ (رض) فرماتے ہیں کہ ایک مسلمان آدمی نبی (صلی اللہ علیہ وآلہ وسلم) کے پاس آیا۔ آپ مسجد میں بیٹھے تھے تو اس نے کہا : یا رسول ! اللہ میں نے زنا کرلیا ہے۔ آپ نے اس سے اعراض کیا۔ وہ پھر آپ کے سامنے آیا اور پھر اقرار کیا۔ اور چار مرتبہ اقرار کیا جب چار مرتبہ اقرار کرلیا تو نبی (صلی اللہ علیہ وآلہ وسلم) نے اس سے پوچھا : کیا تو پاگل تو نہیں ؟ کہا : نہیں، پوچھا : شادی شدہ ہے ؟ کہا : ہاں تو فرمایا : جاؤ اسے رجم کر دو ۔
زہری کہتے ہیں کہ مجھے اس نے بتایا جس نے جابر بن عبداللہ سے سنا، وہ کہہ رہے تھے کہ میں بھی پتھر مارنے والوں میں شامل تھا۔ جب اسے پتھر لگے تو وہ بھاگا، ہم نے اسے حرہ کے مقام پر پا لیا اور اسے رجم کردیا۔