Sunan Al Bayhaqi: Hadith 17019

(١٧٠١٣) حضرت جابر فرماتے ہیں کہ یہود ایک عورت اور مرد کو لے کر نبی (صلی اللہ علیہ وآلہ وسلم) کے پاس آئے کہ انھوں نے زنا کرلیا تھا تو آپ نے فرمایا : تمہارے دو سب سے بڑے عالموں کو بلاؤ تو صوریا کے دو بیٹوں کو لایا گیا ۔ ان کو قسم دے کر پوچھا کہ تم توراۃ میں ان کا کیا حکم پاتے ہو ؟ کہا : توراۃ میں یہ ہے کہ جب چار گواہ یہ گواہی دے دیں ہم نے اس کے ذکر کو اس کی فرج میں دیکھا ہے جیسے سرمچو سرمہ دانی میں ہوتا ہے تو رجم کیا جائے گا۔ آپ نے پوچھا : پھر تم رجم کیوں نہیں کرتے ؟ جواب دیا : ہمارے بڑے زنا کاری کرنے لگے تو ہم نے قتل کو ناپسند کیا۔ نبی (صلی اللہ علیہ وآلہ وسلم) نے گواہوں کو بلایا اور چاروں نے اسی طرح گواہی دی بالکل صریح تو آپ نے انھیں رجم کروا دیا۔