Sunan Al Bayhaqi: Hadith 17767

(١٧٧٦١) حضرت سعید بن جبیر (رض) فرماتے ہیں کہ خزاعہ قبیلہ سے ایک (مسلمان) آدمی مکہ میں تھا اور وہ بیمار ہوگیا اس کا نام ضمرہ بن عیص تھا یا کہ عیص ابن ضمرہ بن زنباع تھا۔ اس نے اپنے گھر والوں کو حکم دیا کہ وہ اسے مدینہ پہنچائیں۔ انھوں نے اسے چار پائی پر اٹھا لیا اور مدینہ کی جانب سفر کردیا۔ جب وہ تنعیم مقام پر پہنچے تو یہ آدمی سفر میں ہی فوت ہوگیا تو اس وقت یہ آیت کریمہ نازل ہوئی : { وَ مَنْ یَّخْرُجْ مِنْ بَیْتِہٖ مُھَا جِرًا اِلَی اللّٰہِ وَ رَسُوْلِہٖ ثُمَّ یُدْرِکْہُ الْمَوْتُ فَقَدْ وَقَعَ اَجْرُہٗ عَلَی اللّٰہِ } [النساء ١٠٠] ” جو شخص اپنے گھر سے اللہ کے لیے ہجرت کرلے اور پھر اسے راستے میں موت آجائے تو اس کا اجر اللہ پر واقع ہوگیا۔ “ یہی تفسیر حسن بصری (رض) اور دوسرے مفسرین نے کی ہے۔