Sunan Al Bayhaqi: Hadith 18147

(١٨١٤١) محمد بن عمر واقدی اپنے شیوخ سے نقل فرماتے ہیں، جنہوں نے حنظلہ کا قصہ ذکر کیا ہے۔ فرماتے ہیں کہ حنظلہ بن عامر نے اپنا اسلحہ لیا اور احد میں رسول اللہ (صلی اللہ علیہ وآلہ وسلم) کے ساتھ جا ملے۔ جس وقت آپ (صلی اللہ علیہ وآلہ وسلم) صفیں درست فرما رہے تھے۔ جب مشرک سامنے ہوئے تو حنظلہ نے ابو سفیان کا پیچھا کر کے اس کے گھوڑے کی رگیں کاٹ ڈالیں تو گھوڑا رک گیا اور ابو سفیان زمین پر گرپڑا۔ ابو سفیان چیخ رہا تھا : اے قریشیو ! میں ابو سفیان بن حرب ہوں، حنظلہ تلوار سے اسے ذبح کرنا چاہتے تھے۔ کئی اشخاص نے اس کی آواز سنی، لیکن شکست کی بنا پر کوئی اس کی جانب التفات بھی نہ کررہا تھا یہاں تک کہ اسود بن شعوب نے اس کی مدد کی۔ اس نے حنظلہ کو تیر مار کر ہلاک کردیا۔ اس کو چھڑوایا تو ابو سفیان بھاگ گیا۔