Sunan Al Bayhaqi: Hadith 18278

(١٨٢٧٢) عقبہ بن مالک فرماتے ہیں کہ (میں بھی اس گروہ میں تھا) کہ رسول اللہ (صلی اللہ علیہ وآلہ وسلم) نے ایک چھوٹا لشکر بھیجا۔ انھوں نے ایک قوم پر حملہ کردیا تو قوم سے ایک فرد الگ ہوگیا تو لشکر کے ایک فرد نے اس کا پیچھا کیا جس کے پاس سونتی ہوئی تلوار تھی۔ قوم سے الگ ہونے والے فرد نے کہا : میں مسلمان ہوں۔ اس نے اس کا خیال نہ کیا اور قتل کردیا۔ بات نبی (صلی اللہ علیہ وآلہ وسلم) تک پہنچی تو آپ (صلی اللہ علیہ وآلہ وسلم) نے اس کے بارے میں سخت بات کہی تو قاتل نے کہا : اے اللہ کے رسول ! اس نے قتل سے بچنے کی غرض سے یہ بات کہی تھی۔ آپ (صلی اللہ علیہ وآلہ وسلم) نے اس اعراض کیا اور یہی بات دہرائی۔ آپ (صلی اللہ علیہ وآلہ وسلم) اس کی طرف متوجہ ہوئے، ناراضگی آپ (صلی اللہ علیہ وآلہ وسلم) کے چہرے سے پہچانی جاسکتی تھی۔ پھر آپ (صلی اللہ علیہ وآلہ وسلم) نے فرمایا : اللہ رب العزت اس شخص پر انکار کرتے ہیں جو کسی مومن کو قتل کرتا ہے تین مرتبہ فرمایا۔