Sunan Al Bayhaqi: Hadith 18454

(١٨٤٤٨) حضرت جابر بن عبداللہ (رض) فرماتے ہیں کہ ہم رسول اللہ (صلی اللہ علیہ وآلہ وسلم) کے ساتھ غزوہ ذات رقاع میں نکلے۔ انھوں نے حدیث کو ذکر کیا۔ کہتے ہیں : رسول اللہ (صلی اللہ علیہ وآلہ وسلم) نے ایک جگہ پڑاؤ کیا تو آپ (صلی اللہ علیہ وآلہ وسلم) نے فرمایا کہ آج رات ہمارا پہرہ کون دے گا تو مہاجرین اور انصار میں سے ایک ایک نے حامی بھری۔ ان دونوں نے کہا۔ اے اللہ کے رسول (صلی اللہ علیہ وآلہ وسلم) ! ہم گھاٹی کے منہ پر پہرہ دیں گے۔ جب وہ دونوں گھاٹی پر پہنچے تو انصاری نے مہاجر سے کہا : رات کے پہلے پہر یا آخری پہر پہرہ دو گے۔ اس نے کہا : میں رات کے ابتدائی حصہ میں پہرہ دوں گا تو مہاجر لیٹ کر سو گیا۔ جبکہ انصاری نماز کے لیے کھڑا ہوگیا۔