Sunan Al Bayhaqi: Hadith 18499

(١٨٤٩٣) حضرت ابو سعید خدری (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : اے ابوسعید (رض) ! جو اللہ کے رب اور اسلام کے دین ہونے پر راضی ہوا، اس کے لیے جنت واجب ہوگئی۔ راوی کہتے ہیں کہ ابو سعید (رض) نے تعجب کیا اور کہا : دوبارہ بیان فرمائیں اے اللہ کے رسول (صلی اللہ علیہ وآلہ وسلم) ! آپ نے پھر فرمایا۔ پھر رسول اللہ (صلی اللہ علیہ وآلہ وسلم) نے فرمایا کہ بندے کے جنت میں سو درجے بلند کردیے جاتے ہیں اور ہر دودرجوں کے درمیانی مسافت زمین و آسمان کے برابر ہے۔ اس نے کہا : یہ کیا ہے ’؟ اے اللہ کے رسول (صلی اللہ علیہ وآلہ وسلم) ! آپ (صلی اللہ علیہ وآلہ وسلم) نے فرمایا : اللہ کے راستہ میں جہاد کرنا، اللہ کے راستہ میں جہاد کرنا، اللہ کے راستہ میں جہاد کرنا۔