Sunan Al Bayhaqi: Hadith 18532

(١٨٥٢٦) عبداللہ بن حبشی فرماتے ہیں کہ نبی (صلی اللہ علیہ وآلہ وسلم) سے افضل اعمال کے بارے میں سوال کیا گیا تو آپ (صلی اللہ علیہ وآلہ وسلم) نے فرمایا : ایسا ایمان جس میں شک نہ ہو اور جہاد جس میں خیانت نہ ہو اور مقبول حج۔ کہا گیا : کونسی نماز افضل ہے آپ (صلی اللہ علیہ وآلہ وسلم) نے فرمایا : لمبے قیام والی۔ کہا گیا : صدقہ کونسا افضل ہے ؟ آپ (صلی اللہ علیہ وآلہ وسلم) نے فرمایا : کم مال سے خرچ کرنا۔ کہا گیا : ہجرت کونسی افضل ہے ؟ آپ (صلی اللہ علیہ وآلہ وسلم) نے فرمایا : جس میں اللہ کی حرام کردہ چیزوں کو چھوڑ دیا۔ کہا گیا : جہاد افضل کونسا ہے ؟ آپ (صلی اللہ علیہ وآلہ وسلم) نے فرمایا : جس نے مشرکین سے اپنے مال جان کے ساتھ جہاد کیا۔ کہا گیا : افضل قتل کونسا ہے ؟ آقا نے فرمایا : مجاہد اور اس کا گھوڑا قتل کردیا جائے۔